hlawnceu

                                            Fimcawnnak Thape Usih

                                                               Tuchun caanah miphun humhaknak kong he pehtlaiin,kan miphun hawi Tidim,Falam,Haka nih an tuah zungzal tawnmi Tho.....Thanthlang khua chung zongah tuah si ve seh tiah khuakhang laireltu hna Nohawng Bu le sianghleiruun siangngakchia nan cungah lawmhbak tampi ka ngei ti chim hmaisa ka duh.Laimi phun hrimthannak le kilkawlthannak tiin ngeihchiah/chawva he lai pu/pa phunglam hna nihin mino nan fale sinah Roca bantuk in nan kan tial piak tikah nan fale kan ca'h nan kaneh aa dawh hringhran ko.Kan Biak Pathian tu nih lunun saunak in chap ko hna seh.
Nu le Pa nan sinah.....
                                 Tulio Boruak in chin ahcun fa le sianghleiruun akai termi nu le pa hna cu mi vanchia ah ruah an si.Sianghleiruun kaimi lai an hlumh poahah buaibainak phunzakip a chuak tiah a phunzaimi kan tlawm ti lo.Cheukhat nu le pa bang nihcun sianghleiruun kai ter cu fa le hramhram in ziarawh/sual ter asi tiah a chim tawk zong um a hung si cang.Kamkhat lei ah Thlangrianthawh bang Bible sianginn kai lulhmalh a hung si ve.Zeidah kan ithim kun lai?Nu le pa liang cungah a hngat kan ti lai...Athat/chiat ah nu le pa mawh asi ti khawh asi.Bible cawn le sianghleiruun kai epchunh tikah sianghleiruun kai cu man ngei lo/Dotla lo khanah ruah asi.Sianghleiruun kai pawl nih achiatnak poah an ilak,Bible kai pawl nih athatnak poah an ihui dih..el awk um lai lo dah!!!!!!!Cutikah kan ramah thiltha chuah ding tluk in a chuak kho ti lo.Thil tampi kan sung kan ti khawh.Sianghleiruun timi cu Miphun kip/ramkip nih an tahfung,siloah Miphun/rammi khing/cuai thlainak ah hmanmi asi.Fimnak ai Dil lengluangmi kha cawnnak in ilak le ithan pi ding khi asi.Fimnak sianghleiruun piah fim a cawng ko nain a fim kho lomi hrat cu zeiti hlei lamdang a um ti lo.Fa le mawhchiat loin sianghleiruun pi kan mawhchiat tawnmi hi ruahthan a herh ngai ko cang.Kan ram ah cozah riantuan an um lo ahcun miphun dang an ra lai,kan holh/ca a tlau lai,miphun tiang kan vaivuan lai.Cucaah nu le pa hna nih rianngan pi kan ngei tihi kan philh hrim ding asi lo.Vulei cung level in fa le thangcho hna seh ti'n saduhthah nan ngeih ko ahcun sianghleiruun kai biatak tein tha pek ding hrim asi.Nun can/ziaza in cawnpiak le chimhhrin zong nan mah liang cungah aa ngatmi thil asi thiamthiam.Cu silo........Lai mino hna sinah sianghleiruun kai athat lonak thlaici a tuhtu nu le pa kan si lengmang ko ahcun kan miphun chungah AIDS zawtnak in tihnung deuhmi miphun thekvarhnak thinlung,peng tlang lawng tanhnak lungput a chuak lai.Kan miphun kan unau ihlam  khawh ti lo dirhmun kan phan ko ti hi kan philh hrim ding asi lo.Fimcawn thapek a herh hringhran ko.
                                                             Cucaah nu le pa hna ram kan dawt taktak ko ahcun sianghleiruun kai tha kan pek awk hrimhrim asi ti hi nolh lengmang ka duh ko.Miphun ngandamnak,thanchonak a hrampi cu ram chung ummi mino hna fimcawnnak chungah aa ngat ti hi kan philh lo awk asi.Sianghleiruun kai thazaang kan pek asi achun atheipar atlummi kan zuun caan a phan hrim te lai.Donghnak ah ...Tuchun caan a chuakmi kan dihlak nih hmailei ca'h ruahchannak nganpi he Fa Nu/Pa fimcawnnak ah hruai izuam in tha pe chin ko hna usih!!!!!!!!!!!Tampi Ka lawm!
Salai Sangpi
Note::(A cung tialmi hi Thanthlang THO ah biatawi ka chimmi asi.Sangpi)