Tuesday, February 22, 2011

THAWNGTHABIA

Biahmaithi::Tuzan caanah kan nu le hna hmangin thawngthachim nan ka thiah/co ve tikah ka lawm tuk.Inn ngeitu hna zong nih innka kau piin na kan on piakmi ka hmuh tikah ka lawm chinchin.Ahleiin tuzan a rak chuah khomi zumtu nan dih lak cungah ka lawm ti chimta ka duh.Tuzan Pathian kan thangthatnak adeu asi lo ding kan zapi pathian nih thluachuah kan pek ko seh!!!!Nu Khuang nih Thatha nu a chawnh i nan pa kha NUbu pumhnak ah thawngthachim kan thiah.A timh khawh lo sual asi ahcun rak ka chawn than te uh!!!Thatha nu nih a ka chimh tikah lawmhnak in ka khat.....Thawngtha a ka thanhtu Nukhuang le Thatha nu cung zongah ka lawm.Zeihmanh asi lomi thawngthachim ka co cu khuaruahhar awk thil ngai asi ko."Minung hi zeihen asi i na hnak karah na tenh"
Kan nu le hna nih Pathian nan dawtnak a nganmi ruangah thawngthachim nan ka co termi asi ti ka zumh caah Kan biak pathian ka thangthat ko.Thawngthachim ka co tikah hlawknak tampi ka hmuh.
1.Bible Thiang he ka hlatnak in nan ka neihter than
2.Thlacam deuhnak nun na ka ser piak
3.Khuaruah/tuaktannak nan ka ser/sial piak
"Khuaruah kan timi cu kan nunnak thlarau he bia iruah/chawnh asi"Plato
Afawinak in chim ahcun ka thlarau nan nunter i cu thlarau hecun bia nan ka ruah ter tiah ka ruah.
"Biatawi chim athatnak cu mipi nih an kan our lo hmanh ah an kan hua lo"Nan ka our lo hmanhah huat lo ding in a tawi khawh chung in chim kaa zuam lai...
                                     DINFELNAK
Bible thimmi:  ;;Phungthlukbia 14:34
                       Miphun a lianhngantertu cu dinnak asi,Sualnak cu zei miphun poah caah ningzahnak asi.
                       Daniel 12:3
                       Hruaitu fim hna cu van i arfi ceu babtuk in an ceu lai i,Lamding ah mi zapi a hruaitu hna cu
                       zungzal in zungzal tiang arfi bantuk an si lai.
                       Dinfelnak kong chim ahcun Profet Amos kong chim loin lanhtak awk atha rua lo tiah ka ruah.
Aruang:;Bible chung i kan hmuhmi hna Profet vial te chungah abiachimmi tial hmaisabik asi.Hi caan lioah Isarel mi hna cu an that liote,an thancho lingcing,biaknak zongah an that liote,an khuasak tintuk zong a rem lio te asi.Cucu Profet Amos nih a parpavuan lawng asi i a chung leiah din lonak lawngte an tuahmi kha ahmuh tikah fakngai in dinnak kong a chimnak asi.Amos 5:11-24 te hna ahcun sifak hna kha nan lamhchih hna,Din lonak in bia nan ceih hna ti te hna..lenglang in nan nunnak hi pathian nih afih tuk..cucaah dinnak cu tive bantuk in luan ter uh ti achimnak kha asi ko.Theology cawng ka silo nain thoery ning in ka chim tuah lai.Profet Amos biachim tial hmaisabik asinak hi Pathian kan biaknak ah dinnak aherhbik caah asi ti hi ka zumh.Dinnak kongah bible chung in pakhat te chim ka duh..
Genesis 37/39/40 hrawng kan zoh ahcun Josef tuanbia kan hmuh.Jacob nih a tar leiah angeihmi fapa asi.A pa nih a dawt hlei kan ti lai.A u le tuu an khalhnak ah riahcaw a chan tawn,thil sual an tuahmi ahmuhmi kha an pa Jacob sinah a chim lengmang tikah a unau nih an rem lo.A mang hna achimh tik hna an an rem lo chin lengmang i Khur ah an thlak,an chuah than i an zuar...ahnu ah Izipt rak Faraoh kuttang aphan.Khoi ka a phanh poahah dinfelnak atanh pengmi asi caah Izipt ram bawi uk chang ah aa chuak.Josef cu mipumrua tha,mi chuakthiam asi caah siangpahrang pa nupi nih cun ih pi a sawm zungzal.Inn khan ah a ban i adawh i ka sualpi ko tiah a lem.josef nih a duh lo a lektak,an angki leng akal tak......ti kan hmuh.Siangpahrang nu pi nih cun na zumh ngaimi pa nih sualpi aka timh tiah achimh tikah thong aphan....Thonginn chung zong ah dinak a tanh peng thiamthiam.Thongtla pawl mang hna aleh piak hna...Faraoh mang aleh tikah zumhawktlak pa tiah a auh i ramuk bawi ah achiah...Mangtam atlung.Jacob fa le zong cu rawlphiar ah Izipt an phan.A donghnak ah a chungkhar ning in um hmun rem te akhuar piak hna ti kan hmuh....Josef nih dinfelnak atanh ruangah a unau an luat lawng si loin a miphun a chanchuah hna.Dinak tanh le upat hi miphun himnak.mangtam luat tertu asi ti kha Josef tuanbia nih a kan cawn piak ko ti hi ka hmuh ning asi.
                         Tuanbia pakhat te..Spain ramah kum 16 pa te kong chim than ka duh.Voikhat cu a pa nih ka fa itim,Kan khua kapte ah na ka thlah lai tiah a chim.Ngakchia pa te cu ai lawmtuk.Motor monghnak nawl a hmuh ka te,motor mongh/khalh aduh lingcing asi tikah zeitikdah kan kal lai i ka mongh lai ti khua lawng a ruat.
Meng 18 hrawng a hlatnak khua pakhat an phan,Apa nih motor remhnak(workshop)ah va chia pah law zanlei sml 4 bakah tonkhawh than rak ka zuam te tiah bia an itiam.....Ngakchia pa cu motor remhnak hmun a chiah khawh cun umhar  celh loah Baisakup zoh ai thawh.Adih tiang azoh cu sml 6 arak si cang.Maw ka nu!!!zeiton ka ton!!!Ka pa sinah lih ka chim lo ahcun motor monghnak nawl a ka pek ti lai.Hitin ka chim lai...Ka pa ruah lo lengin kan motor a rawk deuh i ka hnutnak asi tiah a chimh.Apa nih a chawnh duh lo tikah na zum lo maw?Ka pa?....Ka fa ngai tuah..sml 4 na phanh lo tikah motor chiahnak  kha ka chawnh hna i na fapa te nih motor arak hlam/la rih lo tiah an ka ti.Maw Pathian!!!!!!!!Kan hleng tibak lai lo ka Pa..ka zum ko...Oikhat te cu...anawl...Athawh...Kumpi 16 chung kan zohkhenh kan cawmken Dingfel seh ti'n..cawnpiak na si...Nain na zul lo.Faktuk in na ka hlen,na pa santlaih lo asi.Ka zoh thlabikmi ka fapa nih hitlukfak in na ka hlen cu zeiruangah hlen ka huah ti ka ruat lai.Ka ke in inn tiang ka kal lai.Ka pa khua amui cang!!!!!
Zeiruangahdah hlen ka si ti ka ruat lai i inn cu ka phan te ko lai pei..........zeidah an kan chimh!!!!!!!
Kan fa le sianghleiruun thatha an kai lai,nu lepa nak in alet tamtuk in an fim/thangcho lai.Cutikah hlen kan fawi te lai.Donghnak ah miphun tlau ah kan ichuah lai.Hodah kan fa le nih an kan hleng lai lo tiah achim ngam???
Kanmah nak in afimdeuh dingmi kan fa le hi nu lepa nih zei ROSUNG dah kan roh hna lai.Ruah aherh taktak.
Fimnak kan roh kho hna lai lo.Santlailo catang ngei lo kanmah bantuk hna nih cun DINNAK lawnglawng kan roh khawh hna lai.Kan miphun himnak ding ahcun nu le pa hna nih dinnak hi kan roh hna awk asi.Fa le nih hlenmi si loin thangthatmi nu le pa kan sinak hnga DINNAK kan tanh aherh ko.
                          "Kan nih cu kanmah nih kan tuahmi i a fale kan si"Victor Hugo...Zeidah kan tuah!Thiltha maw?Thilchia??Kan tuahmi hi fak/thuk deuh in ruah caan asi cang.
"Dinnak cu fimnak vialte lakah a hrambik asi i,mibu nunnak ah sengtu mirang vulei bantuk asi"
Dryden.. Mibu nunnak ah aherh bikmi cu Dinfel le zumhawktlak in nun..cucu miphun damnak le lianhngannak cu asi ko rua....Donghnak leiah....
Chungkhar nuam duh ahcun nupi tha thit lawng aza lo,Mah zong that ve..........
Khrihfa bu thatrem duh ahcun pastor/khrih fa upa/riantuantu upa pawl lawng in aza lo,pumpak zong that ve...
Miphun thancho/lianhngan duh ahcun pumpak pakhat cio DINFELNAK kan tanh lawnglawng ah asi kho ti hi tuzan caanah chim duhbikmi asiPathian nih thluachuah kan pek piak ko seh.Amen.

Note//20/02/2011 ..Zaan pumh ah thawngthachim mi asi.Sangpi


                       

No comments:

Post a Comment